Logo

एटीएमबाट पैसा नआइ खाताबाट काटिए बैंकले ब्याज दिनुपर्ने




काठमाडौं । एटीएम मेशिन वा पीओएस मेसिनबाट कारोबार गर्दा कारोबार सफल नभई खाताबाट रकम काटिएको छ ? छ भने चिन्ता नगर्नुस्, अब त्यो पैसाको पनि ब्याज पाइन्छ ।

नेपाल राष्ट्र बैंकले बुधबार ल्याएको मौद्रिक नीतिमा खातावालको खाताबाट रकम काटिएको खण्डमा सम्बन्धित खातावालको खातामा निश्चित समय भित्रमा रकम फिर्ता गर्नुपर्ने र सो नगरिएमा बैंक तथा वित्तीय संस्थाले उक्त रकमको समेत ब्याज दिनुपर्ने व्यवस्था मिलाइने उल्लेख गरिएको छ ।
बैंक तथा वित्तीय संस्थाले यस्तो पैसा प्रकृया मिलाउन भन्दै लामो समयसम्म होल्ड गर्ने गरेको गुनासो गरेपछि राष्ट्र बैंकले यस्तो व्यवस्था गरेको हो ।

प्रतिक्रिया दिनुहोस्