काठमाडौं । सरकारले भौतिक पूर्वाधार क्षेत्रलाई १ खर्ब ३८ अर्ब ८० करोड बजेट छुट्याएको छ ।
गत वर्ष यस क्षेत्रमा १६३ अर्ब ५२ करोड बजेट थियो । जसअनुसार २४ अर्ब ७२ करोड रुपैयाँ बजेट घटेको छ ।
बजेटमा पूर्वपश्चिम महेन्द्र राजमार्ग, मध्यपहाडी लोकमार्ग, हुलाकी सडक तथा मदन भण्डारी राजमार्ग लगायतका आयोजना पूरा गर्ने कार्यक्रम छन् ।
सबै सदरमुकामा सडक पु¥याउने तथा जलमार्ग एवं रेलमार्गलगायतका परियोजना यो बजेटबाट सञ्चालन हुनेछ ।
अर्थमन्त्री डा. युवराज खतिवडाले बिहीबार संसदको दुवै सदनको संयुक्त बैठकमा आर्थिक वर्ष २०७७–७८ को बजेट पेश गर्दै यस्तो जानकारी दिएका हुन् ।
जेठ १५ मा बजेट पेश गर्नुपर्ने संवैधानिक प्रावधानअनुसार बिहीबार सरकारले बजेट ल्याएको हो ।
प्रतिक्रिया