Logo

मर्मतका लागि मनकामना केबलकार मंगलबारदेखि एक साता बन्द




काठमाडौं । नियमित मर्मतसम्भारका लागि मनकामना केबलकारको सेवा एक साता बन्द हुने भएको छ । मंगलबादेखि आउँदो सोमबार पुस २० गतेसम्म बन्द गरिने मनकामना दर्शन प्रालिले जनाएको छ ।

कोरोनाको महामारीसँगै नौ महिना बन्द रहेको केबलकार गत मंसिर २८ गतेबाट पुनः सञ्चालनमा आएको थियो । सञ्चालनको पहिलो दिन नै एक हजारभन्दा बढी भक्तजनलाई सेवा दिन सफल मनकामना केबलकारमा दिनानुदिन यात्रु एवं भक्तजनको भीड बढ्ने क्रम जारी छ ।

यात्रुको चाप बढ्दै गए पनि केबलकार मर्मत कम्पनीको प्राविधिक निर्देशिका र आवश्यकताअनुसार नियमित बृहत् मर्मतसम्भारको समयतालिकामा अनिवार्य सेवा बन्द गरी मर्मत गर्नुपर्ने भएकाले बन्द गर्न लागिएको जनाइएको छ ।

नियमित मर्मतसम्भारपछि पुस २१ गते मंगलबारदेखि पुनः नियमित सेवा सञ्चालन गरिने उल्लेख छ ।

प्रतिक्रिया दिनुहोस्