Logo

Banner-news

इन्फ्रास्ट्रक्चर बैंक दोस्रो वर्षमाः नेपाल स्नेही काखलाई आर्थिक सहयोग


GDP Nepal
   २२ फाल्गुन २०७७, शनिबार


काठमाडौं । नेपाल इन्फ्रास्ट्रक्चर बैंक लिमिटेडले विधिवत सेवा शुभारम्भको दोस्रो वर्ष पूरा गरी तेस्रो वर्षमा प्रवेश गरेको छ ।

तेस्रो वर्ष प्रवेशको उपलक्ष्यमा संस्थागत सामाजिक उत्तरदायीत्व अन्तर्गत नेपाल स्नेही काख नामक गैरसरकारी संस्थालाई तीन लाख रुपैयाँ सहयोग गरी आफ्नो दोस्रो वार्षिक उत्सव मनायो ।

उक्त सहयोग रकम बराबरको चेक बैंकका प्रमुख कार्यकारी अधिकृत रामकृष्ण खतिवडाले नेपाल स्नेही काखका नेहा पोखरेललाई हस्तान्तरण गरे । उक्त आवसर मा बैंकका नायब कार्यकारी अधिकृत भूपेन्द्र पाण्डे, नायब महाप्रबन्धक सूर्य बहादुर तामाङ लगायतको उपस्थिति रहेको थियोे ।

मानसिक एवं शारिरिक रुपमा असक्त एवं समाजबाट अवहेलानामा परेका बालबालिका, युवा युवती, बृद्धबृद्धा लगायतलाई शिक्षा, स्वास्थ्य, आवास सहित हेरचाह गर्ने उद्देश्य लिई स्थापना भएको नेपाल स्नेही काखमा हाल ६५ जनाले आश्रय लिइराखेका छन् ।

बैंकले प्रदान गरेको यो रकम उक्त संस्थाले बनाउन लागेको नयाँ आश्रय स्थलको पूर्वाधार निर्माणमा खर्च हुुनेछ ।

प्रकाशित : २२ फाल्गुन २०७७, शनिबार

सूचना विभाग दर्ता नं.

                   
१२०७/२०७५/७६

सम्पर्क

Kupondole -10 Lalitpur Nepal
+9779841625018/9851090914
[email protected]

हाम्रो समूह

  • प्रधान सम्पादक
    विपेन्द्र कार्की
  • कार्यकारी निर्देशक
    कुमार खतिवडा
  • संवाददाता
    अस्मिता शाह