काठमाडौँ ।
चर्चित डान्सर सुशान्त खत्रीले आफूमाथि प्रहरीले बिना कारण दुर्व्यवहार गरेको बताएका छन् । भारतीय टिभी रियालिटी सो ‘इन्डियाज डान्सिङ सुपरस्टार’ बाट चर्चामा आएका खत्रीले सामाजिक सञ्जाल फेबसुक र इन्स्टाग्राममार्फत प्रहरीको दुर्व्यवहारमा परेको खुलाएका छन् ।
आइतबार राति ह्यालोविन पार्टीमा सहभागी हुन ठमेलको एलओडी र सेनेटमा गएकाबेला सो घटना भएको उनले बताएका छन् । साथीहरुसँग बसेर अबरेसम्म रमाइलो गरिरहेको बेला प्रहरीले क्लब बन्द गराउन आउँदा आफू बिल तिरेर निस्किने बताएपछि केही कारण मिसअन्डरस्ट्यान्डिङ भएको उनले बताएका छन् । त्यसपछि पुलिसले आफ्नो काँधमा समातेर घिसारेर बाहिर लगेको र गालामा एक झापड हानेको उनले बताए। केही पनि गल्ति नभई बिनाकारण झापड खाएको बताउँदै खत्रीले आफूलाई झापड हान्न प्रहरीको केही अधिकार नभएको बताएका छन् ।
त्यस्तै, प्रहरीले आफूलाई ज्याकेट र मास्कसमेत लगाउन नदिई हाफ सर्टमै सोह्रखुट्टे प्रहरी चौकी लगेर एक घन्टा थुनेको उनले बताए ।
प्रतिक्रिया