जापानले १०.४ अर्ब ऋण सहायता दिने

नेपालको आर्थिक विकासमा सहयोग पुर्याउने उदेश्यले जापानले ऋण सहायता स्वरुप १०.४ अर्ब रुपैयाँ उपलब्ध गराउने भएको छ ।

ऋण सहायता सम्बन्धी सहमतिपत्रमा आज नेपालका लागि जापानका राजदूत किकुता युताका र अर्थ मन्त्रालयका सचिव मधुकुमार मरासिनीले हस्ताक्षर गरेका छन् । कोरोना महामारीले नेपालको अर्थतन्त्रमा नकारात्मक प्रभाव पारेको बेला सो सहयोगले अर्थतन्त्रमा मद्दत पुग्ने विश्वास रहेको काठमाडौंस्थित जापानी दूतावासले जनाएको छ ।