देशभर थप आठ हजार १७ जनामा कोरोना संक्रमण, १५ संक्रमितको मृत्यु

पछिल्लो २४ घण्टामा देशभर थप आठ हजार १७ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार १५ हजार ७३६ जनामा पीसीआर परीक्षण गर्दा पाँच हजार ८१६ जनामा र छ हजार ७२ जनामा एन्टिजेन परीक्षण गर्दा दुई हजार २०१ जनामा कोरोना संक्रमण पुष्टि भएको हो ।

त्यस्तै, सोही अवधिमा थप पाँच हजार २९२ जना डिस्चार्ज भएका छन् भने १५ जना संक्रमितको मृत्यु भएको छ । मन्त्रालयका अनुसार आल देशभर सक्रिय संक्रमितको संख्या ९० हजार ५७६ रहेको छ ।