पाँचथर पावर कम्पनीले चालू आर्थिक वर्षको दौस्रो त्रैमासिक वित्तिय विवरण सार्वजनिक गरेको छ । विवरण अनुसार कम्पनीले दोस्रो त्रैमासमा १४ करोड ७८ लाखभन्दा बढी नाफा कमाएको छ ।
गत वर्षको तुलनामा कम्पनीको नाफा ६४ प्रतिशतले वृद्धि भएको छ । गत आर्थिक वर्षको यसै अवधिमा कम्पनीले ८ करोड ९७ लाख नाफा कमाएको थियो ।
कम्पनीले विद्युत् विक्री बापत २६ करोड ३५ लाख आम्दानी गरेको छ भने १५ लाख ९१ हजार अन्य आम्दानी रहेको छ । कम्पनीको चुक्तापूँजी ९६ करोड २५ लाख रहेको छ भने जगेडामा १० करोड २७ लाख सञ्चित छ । गत आवको दोस्रो त्रैमासमा कम्पनीको जगेडा कोष ५ करोड ४ लाख ऋणात्मक थियो ।
कम्पनीको प्रतिशेयर आम्दानी १५ दशमलव ३६, तरलता अनुपात ४ दशलमव ७६ प्रतिशत र प्रतिशेयर नेटवर्थ ११० दशलमव ६७ रहेको छ ।
प्रतिक्रिया