नेरुडे लघुवित्त वित्तीय संस्था लिमिटेडले चालु आर्थिक वर्षको दोस्रो त्रैमाससम्ममा १३ करोड १६ लाख १८ हजार रुपैयाँ नाफा कमाएको छ ।
कम्पनीले सार्वजनिक गरेको चालु आर्थिक वर्षको दोस्रो त्रैमाससम्मको अपरिष्कृत वित्तिय विवरण अनुसार गत वर्षको तुलनामा कम्पनीको नाफा ७७.३२ प्रतिशतले बढेको हो । कम्पनीले गत वर्ष यसै अवधिमा ७ करोड ४२ लाख २८ हजार रूपैयाँ खुद नाफा कमाएको थियो ।
समिक्षा अवधिसम्म कम्पनीको खुद ब्याज आम्दानी ३५.७० प्रतिशतले बढेर ३३ करोड ६५ लाख ४२ हजार रुपैयाँ पुगेको छ । कम्पनीले गत वर्ष ११ करोड ७८ लाख २२ हजार रुपैयाँ सञ्चालन मुनाफा गरेपनि दोस्रो त्रैमासमा भने सञ्चालन मुनाफा ११.२८ प्रतिशतले घटेर १० करोड ४५ लाख २८ हजार पुगेको छ । कम्पनीको चुक्ता पुँजी ६० करोड रुपैयाँ र जगेडा कोषमा ६३ करोड ३३ लाख ९० हजार रुपैयाँ सञ्चित रहेको छ ।
त्यस्तै, कम्पनीको प्रतिसेयर आम्दानी (ईपीएस) ४३ रुपैयाँ ८७ पैसा र प्रतिसेयर नेटवर्थ २०५ रुपैयाँ ५७ पैसा रहेको छ ।
प्रतिक्रिया