चर्चित अभिनेत्री रेखा थापाले विवाह गरेकी छिन् ।
थापाले केही दिन अघि अमेरिकामा बस्दै आएका जाजरकोटका बलराम शाहीसँग कोर्ट म्यारिज गरेकी हुन् । लामो समयदेखि प्रेम सम्बन्धमा रहेका थापा र शाहीले केही दिन अघि मात्रै बिहे गरेको स्रोतले जनाएको छ ।
यसअघि चलचित्र निर्माता छविराज ओझासँग विवाह गरेकी थापाको १० वर्षअघि नै डिभोर्स भएको थियो ।
थापा पछिल्लो समय चलचित्र क्षेत्रमा मात्र नभएर राजनीतिमा पनि सक्रिय भएकी छिन् । गत मंसिरमा राष्ट्रिय प्रजातन्त्र पार्टीको महाधिवेशनमा महामन्त्री पदमा उम्मेद्वारी दिएकी थापा पराजित भएकी थिइन् ।
प्रतिक्रिया