पल शाहविरुद्ध समिक्षा अधिकारीले दिइन प्रहरीमा उजुरी

नेपाली चलचित्रका चर्चित अभिनेता पल शाहविरुद्ध जबरजस्ती करणी मुद्दामा उजुरी दर्ता भएको छ । शाहविरुद्ध गायिका समीक्षा अधिकारीले जिल्ला प्रहरी कार्यालय, तनहुँमा किटानी जाहेरी दिएकी छन् ।

अधिकारीले परिवारसहित प्रहरी कार्यालय तनहुँ पुगेर शाहले म्यूजिक भिडियो सुटिङका सिलसिलामा तनहुँ गएका बेला फकाएर’ जबर्जस्ती करणी गरेको अभियोग लगाउँदै उजुरी दिएकी हु्न् ।

पछिल्लो समय नेपाली मनोरञ्जन क्षेत्रमा शाह र अधिकारी प्रेम सम्बन्धमा रहेको चर्चा चलेको थियो । यति, मात्र नभएर शाह आफैले अधिकारीसँग शारीरिक सम्बन्ध भएको स्वीकार गरेको एक अडियो समेत सार्वजनिक भएको थियो । तर, शाहले उक्त अडियोमा आफू नभएको बताउँदै फसाउन खोजिएको जनाएका थिए ।

उमेरले अधिकारी नाबालिका हुन् । कानुनतः १८ वर्षभन्दा कम उमेरकी युवतीसँग सहमतिमै शारीरिक सम्बन्ध राखे पनि जबर्जस्ती करणी ठहरिन्छ ।