आइएमई जनरल इन्स्योरेन्स लिमिटेडका प्रमुख कार्यकारी अधिकृत (सिइओ) युगेशभक्त बादे श्रेष्ठ ‘आउटस्ट्यान्डिङ म्यानेजमेन्ट अवार्ड २०२२’ बाट सम्मानित भएका छन् ।
नेपाल व्यवस्थापन संघ (म्यान)ले होटल याक एण्ड यतीमा आयोजित एक कार्यक्रमकाबीच श्रेष्ठलाई सम्मान गरेको हो ।
श्रेष्ठले सम्मान ग्रहण गर्दै कम्पनीको उपलब्धिमा आ-आफनो क्षेत्रबाट सहयोग तथा साथ दिई महत्वपूर्ण योगदान पुर्याउने ग्राहक, शेयरधनी, कर्मचारीहरु, नियामक निकाय, तथा सञ्चार जगतलाई धन्यवाद ज्ञापन गरे । समाहरोहमा श्रेष्ठले यस सम्मानबाट थप हौसला प्राप्त भएको र आगामी दिनमा कम्पनीले प्रदान गर्ने सेवालाई अझै परिस्कृत गर्दै डिजिटल माध्यमबाट समेत सहज र सरल रुपमा सेवा प्रदान गर्ने जानकारी दिए ।
यस्तै, उनले नेपालको निर्जीवन बीमा क्षेत्रमा आइएमई जनरल इन्स्योरेन्सलाई एक अग्रणी बीमा कम्पनीको रुपमा अगाडी बढाउने प्रतिवद्धता व्यक्त गरे ।
प्रतिक्रिया