आशा लघुवित्त वित्तीय संस्था लिमिटेडले चालु आर्थिक वर्षको तेस्रो त्रैमाससम्मको अपरिष्कृत वित्तिय विवरण सार्वजनिक गरेको छ ।
विवरण अनुसार कम्पनीले तेस्रो त्रैमाससम्ममा १२ करोड १४ हजार रुपैयाँ खुद नाफा आर्जन गरेको छ । गत वर्षको तुलनामा कम्पनीको नाफा १२.४१ प्रतिशतले बढेको हो । गत वर्षको सोही अवधिमा कम्पनीले १० करोड ६७ लाख ६४ हजार रूपैयाँ खुद नाफा आर्जन गरेको थियो ।
समिक्षा अवधिसम्म संस्थाको खुद व्याज आम्दानी पनि ३१.८७ प्रतिशतले बढेर २५ करोड ३ लाख ५६ हजार रूपैयाँ पुगेको छ । गत वर्षको यसै अवधिमा संस्थाको खुद व्याज आम्दानी १८ करोड ९८ लाख ४४ हजार रूपैयाँ रहेको थियो ।
तेश्रो त्रैमाससम्म आइपुग्दा संस्थाको सञ्चालन मुनाफा पनि १३.०७ प्रतिशतले बढेर १७ करोड ५४ लाख ६९ हजार रूपैयाँ पुगेको छ । गत वर्ष संस्थाले १५ करोड ५१ लाख ८३ हजार रूपैयाँ सञ्चालन मुनाफा गरेको थियो ।
त्यस्तै, संस्थाको चुक्ता पुँजी ३३ करोड ३९ लाख १४ हजार रुपैयाँ र जगेडा कोषमा २१ करोड ८३ लाख ६६ हजार रुपैयाँ सञ्चित रहेको छ । संस्थाको प्रतिसेयर आम्दानी ९ईपीएस० २२ रूपैयाँ ३८ पैसा र प्रतिसेयर नेटवर्थ १६५ रुपैयाँ ४ पैसा रहेको छ ।
प्रतिक्रिया