वायुसेवा सञ्चालक संघले रात्रीकालीन उडान गर्न नसक्ने जनाएको छ ।
विज्ञप्ति जारी गर्दे संघले विभिन्न प्राविधिक समस्याका कारण राति ८ बजेपछिका नियमिततर्फका उडान तत्काल गर्न नसक्ने बताएको हो । वायुसेवा कम्पनीहरू बुद्ध एयर, यती एयरलाइन्स, श्री एयरलाइन्स, सौर्य एयरलाइन्स र गुण एयरलाइन्सले नयाँ तालिकाअनुसार उडान कार्यान्वयन गर्न नसक्ने बताउँदै उडानहरू स्लट संशोधन नभएसम्मका लागि सम्पूर्ण उडानहरू बन्द गर्ने चेतावनी समेत दिएका छन् ।
बुधबार नेपाल नागरिक उड्डयन प्राधिकरणले रात्रिकालीन उडान भइरहेका विमानस्थलहरूमा बिहीबारदेखि बिहान ६ देखि राति १२ बजेसम्म १८ घण्टा उडान कायम गर्न सूचना जारी गरेको थियो ।
प्रतिक्रिया