मेरो माइक्रोफाइनान्स लघुवित्तका कर्मचारीमाथि ऋण तिर्न नसक्दा ऋणीको घरमा आगो लगाइदिएको आरोप लागेको छ । सप्तरीको कदमाहामा सञ्चालित उक्त लघुवित्तका कर्मचारीले सुरुङ्ग नगरपालिका ३ लक्ष्मीपुरकी सरस्वती सिंहको घरमा आगो लगाइदिएको आरोप लागेको हो ।
ऋण तिर्न नसकेपछि कर्मचारीले ५ वैशाखमा आफ्नो घरबाट दुई वटा भैंसी लग्नुका साथै महिला कर्मचारीले बिँडी सल्काई घरमा समेत आगजनी गरेको पीडितले बताएकी छन् । सिंहले २४ लाख ३६ हजार बारबरको धनमाल नष्ट भएको जनाउँदै क्षतिपूर्ति उपलब्ध गराइदिन मागसहित प्रहरीमा उजुरी दिएकी छन् ।
यता, लघुवित्तका कर्मचारीले भने भैंसी लयाएको स्वीकार गर्दै घरमा भने आगजनी नगरेको बताएका छन् ।
सिंहले ३ असार ०७८ मा ५० हजार र ६ असोजमा दुई लाख गरी उक्त लघुवित्तबाट दुई लाख ऋण लिएकी थिइन् । लघुवित्तका अनुसार उनले हालसम्म १२ हजार पाँच सयका दरले दुई लाखको पाँच किस्ता र ६ हजारका दरले ५० हजारको नौ किस्ता बुझाइसकेकी छन् ।
प्रतिक्रिया