करिब १० प्रतिशतले बढ्यो साना किसान विकास लघुवित्तको नाफा

साना किसान विकास लघुवित्त वित्तीय संस्था लिमिटेडकोले चालु आर्थिक वर्षको तेस्रो त्रैमासको अपरिष्कृत वित्तिय विवरण सार्वजनिक गरेको छ ।

विवरण अनुसार कम्पनीले तेस्रो त्रैमासमा ५० करोड २५ लाख रुपैयाँ खुद नाफा आर्जन गरेको छ । गत वर्षको तुलनामा कम्पनीको नाफा ८.९० प्रतिशतले बढेको हो । कम्पनीले गत वर्षको सोही अवधिसम्ममा ४६ करोड १४ लाख रुपैयाँ खुद नाफा कमाएको थियो ।

यस्तै, कम्पनीको चुक्ता पूँजी २५ प्रतिशतले बढेको छ भने जगेडा कोष १२.२७ प्रतिशतले बढेको छ । लघुवित्तको सापटी २५.७५ प्रतिशत र कर्जा २३.०३ प्रतिशतले बढेको छ ।

समीक्षा अवधिमा कम्पनीको खुद ब्याज आम्दानी ६.४८ प्रतिशत बढेको छ भने कुल सञ्चालन आम्दानी ६.४६ प्रतिशत बढेको छ । त्यसैगरी, समीक्षा अवधिमा कम्पनीको सञ्चालन मुनाफा ८.५८ प्रतिशत बढेको छ ।

नाफा बढेपनि कम्पनीको प्रतिशेयर आम्दानी भने घटेको छ । समीक्षा अवधिमा कम्पनीको यस्तो आम्दानी ६ रुपैयाँ ५८ पैसा घटेर ४२ रुपैयाँ ८३ पैसामा झरेको छ । चैत मसान्तसम्ममा कम्पनीको मूल्य आम्दानी अनुपात २६.९६ गुणा रहेको छ भने प्रतिशेयर नेटवर्थ २५६ रुपैयाँ २६ पैसा रहेको छ ।