आइएमई जनरल इन्स्योरेन्सको नाफा १० प्रतिशतले घट्यो

आइएमई जनरल इन्स्योरेन्सले चालु आर्थिक वर्षको तेस्रो त्रैमासिक वित्तिय विवरण सार्वजनिक गरेको छ । विवरण अनुसार कम्पनीले तेस्रो त्रेमाससम्ममा १६ करोड ८१ लाख ५ हजर रुपैयाँ खुद नाफा कमाएको छ ।

गत वर्षको तुलनामा कम्पनीको नाफा १०.८४ प्रतिशतले घटेको हो । खुद बिमा शुल्क आम्दानी १.८१ प्रतिशतले बढेपनि लगानी तथा अन्य आम्दानी ३२.८९ प्रतिशतले घटेको छ । आइएमईले ७ प्रतिशत बोनस सेयर र ४० प्रतिशत हकप्रद सेयर बिक्री गरी चुक्ता पुँजी १ करोड ७० लाख रुपैयाँ भन्दा बढी पुर्याएको छ । यद्दपि, तेस्रो त्रैमासको विवरणमा भने पुँजीकृत गरेको छैन । यको रिजर्भ कोष र बिमा कोषमा पनि सुधार भएको छ । विवरण अनुसार प्रतिसेयर आम्दानी १९ रुपैयाँ ३६ पैसा छ । यद्दपि, बोनस र हकप्रद सेयर पुँजीकृत भएपछि भने प्रतिसेयर आम्दानी फरक पर्नसक्छ ।