वातावरण दिवसको अवसरमा लक्ष्मी बैंककाे ग्रीन बचत खाता पुनः सञ्चालन

५०औं विश्व वातावरण दिवसको अवसर पारेर लक्ष्मी बैंक लिमिटेडले ग्रीन बचत खाता पुनः सञ्चालन गर्ने भएको छ । विश्व वातावरण दिवसको अवसर पारेर बैंकले वातावरण मैत्री हरित बचत खाता ‘ग्रीन सेभिङ’ पुनः सञ्चालनमा ल्याएको हो ।

यस खातामा ग्राहकहरुले ८.०३ प्रतिशतको उच्चतम ब्याजदरका साथै ग्रीन बैंकिङ्ग प्याकेज (मोबाईल मनी र इन्टरनेट बैंकिङ्ग) निःशुल्क प्राप्त गर्न सक्ने छन् । बैंकका अनुसार ‘एक खाता, एक रुख’ को प्रतिबद्दता अनुरुप ‘गो ग्रीन’ अभियानमा सहयोग पुग्ने गरी प्रत्यक ग्रीन सेभिङ खाताको वापत एउटा रुख रोपिने छ ।

यस्तै, ग्रीन सेभिङ खाताबाट संकलन हुने निक्षेपबाट नवीकरणीय ऊर्जा, हरित यातायात, दिगो खाद्य, कृषि, वन, फोहोर व्यवस्थापन र हरितगृह ग्यास न्यूनीकरण लगायत दिगो विकास लक्ष्यहरू अन्तर्गत पर्ने क्षेत्रहरू र गतिविधिहरूमा कर्जा प्रवाह गर्न उपयोग गरिने बैंकले जनाएको छ ।