समृद्धि फाइनान्स ७ लाख ७२ हजार ६६६ कित्ता संस्थापक सेयर लिलामीमा ल्याउने भएको छ ।
कम्पनीले गत फागुनमा जारी गरेको हकप्रदमा बिक्री नभएका कुल ९ लाख ४० हजार ४६६ कित्ता सेयर लिलामीमा बेच्न लागेको हो । जसमा संस्थापक समूहको ८ लाख ६७ हजार ३६६ कित्ता र सर्वसाधारण समूहको ७३ हजार १०० कित्ता रहेका छन् ।
यो लिलामी सेयरको न्यूनतम मूल्य १०० रुपैयाँ तोकिएको छ । इच्छुक लगानीकर्ताले बोलपत्र पेस गर्दा न्यूनतम १०० रुपैयाँ र सोभन्दा बढी बोलकबोल गर्नुपर्नेछ ।
यो लिलामी सेयरमा विद्यमान संस्थापक र सर्वसाधारण समूह, अन्य व्यक्ति, कम्पनी, संघसंस्थाहरुले बोलपत्र पेस गर्न सक्नेछन् । बोलपत्र पेस गर्दा न्यूनतम १ हजार कित्ताका लागि खरिद आवेदन दिनुपर्नेछ । अधिकतम सेयरका लागि भने कुनै हद लाग्ने छैन ।
बोलपत्र काठमाण्डौको नक्सालस्थित बीओके क्यापिटल मार्केट, समृद्धि फइनान्सको केन्द्री कार्यालय हेटौँडा, शाखा कार्यालयहरु काठमाण्डौ, नारायणगढ, पोखरा र बुटवल तथा बैंक अफ काठमाण्डौका शाखाहरु विराटनगर, वीरगन्ज, पोखरा, बुटवल, नेपालगन्ज, वीरेन्द्रनगर र धनगढीमा पेस गर्न सकिनेछ ।
प्रतिक्रिया