आँधीखोला लघुवित्त वित्तीय संस्था लिमिटेड र सिवाईसी नेपाल लघुवित्त वित्तीय संस्था लिमिटेड एकआपसमा मर्जरमा जाने भएका छन् ।
आँधीखोला र सिवाइसी नेपाल लघुवित्त १००ः७० को स्वाप अनुपातमा मर्जरमा जाने प्रारम्भिक सहमति भएको छ । जसअनुसार आँधीखोला लघुवित्तका शेयरधनीहरुले १०० कित्ता शेयर बापत मर्जरपछि बन्ने नयाँ कम्पनीको ७० कित्ता शेयर प्राप्त गर्नेछन् ।
आँधीखोला लघुवित्तको केन्द्रीय कार्यालय स्यांजाको बयरघारीमा रहेका छ भने सिवाईसी नेपाल लघुवित्तको केन्द्रीय कार्यालय बाग्लुङ जिल्लाको बाग्लुङ नगरपालिका स्थित बाग्लुङ बजारमा रहेको छ ।
आँधीखोलाको हाल कायम चुक्तापुँजी ११ करोड ९० लाख रुपैयाँ र सिवाइसीको १२ करोड १६ लाख रुपैयाँ रहेको छ । यदि दुई लघुवित्तबीच मर्जर सम्पन्न भएमा बन्ने कम्पनीको चुक्ता पुँजी २४ करोड १५ लाख रुपैयाँ पुग्नेछ ।
प्रतिक्रिया