श्रृजनशील लघुवित्तको आइपीओ आजबाट बिक्री खुला

श्रृजनशील लघुवित्त वित्तीय संस्थाको साधारण सेयर (आइपीओ) बिक्री खुला भएको छ।

कम्पनीले प्रति सेयर १०० रुपैयाँ अंकित मूल्यको ३ करोड ९३ लाख ७५ हजार रुपैयाँ बराबरको ३ लाख ९३ हजार ७५० कित्ता आइपिओ निष्कासन गरेको छ। जसमध्ये जारी पूँजीको ०.५ प्रतिशत अर्थात् ५ हजार ४७० कित्ता कर्मचारीहरूका लागि, ५ प्रतिशत अर्थात् १९ हजार ६९० कित्ता सामूहिक लगानी कोषलाई र बाँकी रहेको ३ लाख ६८ हजार ५९० कित्ता सेयर सर्वसाधारणका लागि खुला गरिएको हो ।

आवेदकले न्यूनतम १० कित्तादेखि एक हजार कित्ताका लागि भदौ १९ गतेसम्म आवेदन दिन सक्नेछन् । उक्त अवधिमा माग बमोजिम आवेदन नपरेमा भने भदौ २९ गतेसम्म थप हुनेछ।

कम्पनीको आइपिओ निष्कासन तथा बिक्री प्रबन्धकमा सनराइज क्यापिटल लिमिटेड रहेको छ।