बाराका दुई उद्योगमा सिलबन्दी गरिएको छ । बाराको फेटा गाउँपालिका २ जगतपुर टोलमा सञ्चालित दुई वटा घ्यू उत्पादन गर्ने उद्योगमा सिलबन्दी गरिएको हो ।
जिल्ला प्रशासन कार्यालय बारा, जिल्ला प्रहरी कार्यालय बारा र खाद्य प्रविधि तथा गुण नियन्त्रण डिभिजन कार्यालय वीरगन्जबाट खटिएको संयुक्त टोलीले अनुगमनको क्रममा गहवामाई बेकरी सटिङ रिपिरिङ र जय माँ लक्ष्मी डेरी उद्योगमा गुणस्तरहिन सामाग्री भेटिएपछि सिलबन्दी गरिएको हो ।
त्यस्तै, गहवामाईले उद्योग सञ्चालनको लागि सरकारबाट इजाजत नै नलिएको समेत भेटिएको छ । अनुगमन टोलीका अनुसार दुवै उद्योगमा गुणस्तरहिन सामाग्री र सरसफाईको समस्या देखिएको छ ।
दुवै उद्योगमा रहेको तयारी घ्यू ११६१ लिटर , बेकरी १६ सय लिटर र कच्चा पदार्थ १५० लिटर बरामद गरि दुवै उद्योगमा सिलबन्दी गरिएको टोलीले जानकारी दियो ।
प्रतिक्रिया