एनएमबि बैंकले नेपाली बैंकिङ जगतमै पहिलोपटक प्लास्टिकरहित बजारको आयोजना सम्पन्न गरेको छ ।
स्वदेशी सीप र स्वदेशी उत्पादनको दिगो प्रवर्द्धन र प्रोत्साहन हुने गरी बैंकले शनिबार सानेपाको हेरिटेज गार्डेनमा प्लास्टिकरहित बजारको आयोजना गरेको हो। दसैँ र तिहारलाई लक्षित गरी आयोजना गरिएको सो बजारमा ६० भन्दा बढी स्टलहरू रहेको बैंकले जनाएको छ ।
बैंकका अनुसार बजारमा जुत्ता, लत्ताकपडा, चिया, केक, ह्यान्डिक्राफ्ट, साबुन, सर्फ, झोलालगायत दैनिक जीवनमा आवश्यक सामान क्युआर–पोसमार्फत सहुलियत मूल्यमा खरिद भएको छ ।
बैंकले हाल देशभर दुई सय एक शाखा, एक सय ३८ एटिएम र ११ एक्सटेन्सन काउन्टरमार्फत सेवा दिइरहेको जनाएको छ ।
प्रतिक्रिया