आशा लघुवित्त वित्तीय संस्थाको संस्थापक सेयर बिक्रीमा आएको छ । कम्पनीले ७ लाख ८९ हजार ९०० कित्ता संस्थापक सेयर बिक्रीमा ल्याएको हो ।
बिक्रीमा आएको सेयरको न्यूनतम मूल्य प्रतिकित्ता ३९५ रुपैयाँ तोकिएको छ । यसको अर्थ लगानीकर्ताले बोलपत्र पेस गर्दा न्यूनतम मूल्य वा सोभन्दा बढी बोलकबोल गर्नुपर्नेछ ।
यो लिलामी सेयरमा संस्थाका संस्थापक सेयरधनीका साथै अन्य योग्य व्यक्ति, कम्पनी तथा विभिन्न संघसंस्थाहरुले बोलपत्र पेस गर्न सक्नेछन् । बोलपत्र पेस गर्दा न्यूनतम १ हजार कित्तादेखि अधिकतम सबै कित्ताका लागि आवेदन दिन सकिनेछ ।
लगानीकर्ताले काठमाण्डौको कमलादीस्थित प्रभु क्यापिटल लिमिटेडको कार्यालयमा बोलपत्र पेस गर्नुपर्नेछ । बोलपत्र पेस गर्ने अन्तिम मिति यही असोज ३१ गतेसम्म तोकिएको छ ।
प्रतिक्रिया