इस्टर्न हाइड्रोपावरको आइपीओ बिहिबार बाँडफाँड हुने

इस्टर्न हाइड्रोपावरको आइपीओ बिहिबार बाँडफाँड हुने भएको छ । बिक्री प्रबन्धक एनएमबि क्यापिटलका अनुसार बिहिबार बिहान ९ बजे आफ्नै कार्यालयमा आइपीओ बाँडफाँड हुने भएको हो । आइपीओमा मागभन्दा २५ गूणा बढी आवेदन परेको छ ।

कम्पनीले असोज २८ गतेदेखि कात्तिक २ गतेसम्म कुल ६ लाख ७० हजार ३१० कित्ता आइपीओ जारी गरेको थियो । जसमध्ये ५ प्रतिशत अर्थात् ३३ हजार ५१५ कित्ता सामुहिक लगानी कोष, २ प्रतिशत अर्थात् १३ हजार ४०६ कित्ता सेयर कर्मचारीहरुका लागि र बाँकी ६ लाख २३ हजार २८९ कित्ता सर्वसाधारणका लागि बिक्रि खुला गरिएको थियो । आइपीओमा १३ लाख ९४ हजार ३२६ जनाले १ करोड ५७ लाख १८ हजार ४७० कित्ताका लागि आवेदन दिएका छन् ।