रुरु जलविद्युत परियोजना लिमिटेडले चालु आर्थिक वर्षको पहिलो त्रैमासको अपरिष्कृत वित्तीय विवरण सार्वजनिक गरेको छ ।
विवरण अनुसार कम्पनीले पहिलो त्रैमासमा ३ करोड ३९ लाख रुपैयाँ खुद नाफा कमाएको छ । गत वर्षको यही अवधिको तुलनामा खुद नाफा १.९४ प्रतिशतले बढेको छ । गत वर्ष कम्पनीले ३ करोड ३३ लाख रुपैयाँ नाफा गरेको थियो ।
कम्पनीको विद्युत बिक्रीको आम्दानी ५ करोड ४८ हजार रुपैयाँमा झरेको छ । अघिल्लो वर्षको यसै अवधिमा कम्पनीले विद्युत बिक्रीबाट ५ करोड १५ लाख रुपैयाँ आम्दानी गरेको थियो ।
यस्तै, चुक्तापुँजी ४४ करोड ८४ लाख रुपैयाँ रहेको कम्पनीको रिजर्भको आकार ११६.७५ प्रतिशतले बढेर १७ करोड २० लाख रुपैयाँको उचाइमा पुगेको छ । गत वर्ष रिजर्भमा ७ करोड ९३ लाख रुपैयाँ थियो ।
कम्पनीको वार्षिकीकृत प्रतिसेयर आम्दानी (ईपीएस) २२.७३ रुपैयाँ, पीई रेसियो ३४.१० गुणा र प्रतिसेयर नेटवर्थ १३८.३५ रुपैयाँ रहेको छ ।
प्रतिक्रिया