काठमाडौं । आकस्मिक भनिएको मन्त्रिपरिषद बैठकले दुई महत्वपूर्ण निर्णय गरेको छ ।
राष्ट्रिय योजना आयोगको उपाध्यक्षमा डा. गुणाकर भट्ट नियुक्त भएका छन् भने राष्ट्र बैंकको डेपुटी गभर्नरमा किरण पण्डित नियुक्त भएका छन् ।
भट्ट राष्ट्र बैंकका पूर्व कार्यकारी निर्देशक हुन् भने पण्डित नेपाल राष्ट्र बैंकका कार्यकारी निर्देशक हुन् ।
मंगलबार बसेको मन्त्रिपरिषद् बैठकले दुवैको नियुक्त गरेको हो ।
डा. भट्टलाई यसअघिको सरकारले गभर्नर नियुक्त गर्ने तयारी गरे पनि तत्कालीन डेपुटी गभर्नर निलम ढुंगानाले उनको राजीनामा स्वीकृत नगरेपछि सिफारिस नै हुन सकेन ।
नवनियुक्त डेपुटी गभर्नर पण्डितले भने केन्द्रीइ बैंकमा बैंक सुपरीवेक्षण विभाग, बैंक तथा वित्तीय संस्था नियमन विभाग, वित्तीय समावेशिता तथा ग्राहक संरक्षण महाशाखा लगायत विभागमा रहेर काम गरिसकेका छन् ।
प्रतिक्रिया