सुनचाँदीको मूल्य वृद्धि

आज नेपाली बजारमा सुनचाँदीको मूल्य वृद्धि भएको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ९१ हजार छ सय रुपैयाँमा कारोबार भइरहेको छ। सोमबार सुन प्रतितोला ९१ हजार ३ सय रुपैयाँमा कारोबार भएको थियो ।

त्यस्तै, आज चाँदी प्रतितोला १० रुपैयाँले बढेको छ । महासंघका अनुसार सोमबार प्रतितोला १२ सय बीस रुपैयाँमा कारोबार भएको चाँदी आज १२ सय तीस रुपैयाँमा कारोकार हुनेछ ।

आज अन्तर्राष्ट्रिय बजारमा सुनको मूल्य बढेर प्रतिऔंस १८ सय ७ अमेरिकी डलर पुगेको छ ।