काठमाडौंबाट पोखरा उडेको विमानको ढोका आकाशमै खुलेपछि…

काठमाडौंबाट पोखरा उडेको गुण एयरलाइन्सको विमानको ढोका आकाशमै खुलेपछि तत्काल काठमाडौं फर्काइएको छ ।

उडेको केही समयमा विमानमा प्राविधिक गडबडी देखिए भन्दै एयरलाइन्सको विमानलाई तत्काल काठमाडौं विमानस्थलमा अवतरण गराइएको हो । उडेको पाँच मीनेटमै ढोका खुलेको जानकारी प्राप्त हुनासाथ विमानलाई काठमाडौं विमानस्थलमा फिर्ता गरिएको एयरलाइन्सका एक कर्मचारीले जानकारी दिएका छन् ।

त्यस्तै, उक्त विमानका यात्रुलाई गुणकै अर्को विमानमा पोखरा पठाइएको एयरलाइन्सले बताएको छ ।