कुपन्डोलको गुसिंगालमा बजाज सर्भिस सेन्टर

नेपालका लागि बजाज मोटरसाइकलको आधिकारिक वितरक हंसराज हुलासचन्द एन्ड कम्पनीले ललितपुरको कुपन्डोल गुसिंगालमा सुविधासम्पन्न गुसिंगाल मोटरसाइकल सर्भिस सेन्टर सञ्चालनमा ल्याएको छ ।

यस क्षेत्रका ग्राहकलाई बजाज सर्भिस र स्पेयर्स पार्टस् उपलब्ध गराउने उद्देश्यले गुसिंगालमा सर्भिसिङ सेन्टर सञ्चालनमा ल्याइएको कम्पनीले बताएको छ । दक्ष प्राविधिकबाट सर्भिसिङ गराइने सर्भिसिङ सेन्टरमा ५५ मिनेटभित्रै काम सम्पन्न हुने कम्पनीको दाबी छ । दैनिक ८० वटाभन्दा बढी बाइक सर्भिसिङ क्षमताको यस सेन्टरमा ग्राहक सुविधाका लागि प्रतीक्षालय र क्याफे सुविधा रहेको छ ।

सर्भिस सेन्टर उद्घाटन गर्दै कम्पनीका जनरल म्यानेजर योगेन गुरुङले कुपन्डोलमा खोलिएको नयाँ सोरुमबाट बजाज मोटरसाइकलका सम्पूर्ण सुविधा उपलब्ध हुने जानकारी दिए ।