लाभांश पारित गर्दै प्रिमियर इन्स्योरेन्सको सभा सम्पन्न

प्रिमियर इन्स्योरेन्स कम्पनी (नेपाल) को २८ औं वार्षिक साधारण सभा सम्पन्न भएको छ ।

सभाले आर्थिक वर्ष २०७७/७८ को चूक्ता पुँजीको १४.२५ प्रतिशतले बोनस शेयर र ०.७५ प्रतिशतले हूने नगद लाभांश रकम बोनस सेयरको कर प्रयोजनार्थ वितरण गर्ने प्रस्ताव पारित गरेको छ । कम्पनीको केन्द्रिय कार्यालय प्रिमियर भवनको सभा कक्षमा भएको भिडियो कन्फरेन्स्मा कम्पनीका अध्यक्ष सूरेश लाल श्रेष्ठले कम्पनीको वार्षिक प्रतिवेदन तथा वित्तिय विवरण प्रस्तुत गरेका थिए ।

कम्पनीले आर्थिक वर्ष २०७७/०७८ मा कूल बीमा शूल्क १ अर्ब ९० करोड ३६ लाख ११ हजार आर्जन गरि खूद मूनाफा ३४ करोड ७९ लाख १४ हजार आर्जन गरेको छ ।