घट्यो सुनचाँदीको मूल्य, तोलाको कति ?

नेपाली बजारमा आज सुनचाँदीको मूल्य घटेको छ । नेपाल सुनचाँदी व्यवसायी महासंघका अनुसार आज सुन प्रतितोला ६ सय रुपैयाँले ओरालो लागेको हो ।

सोमबार तोलामा १६ सय रुपैयाँले बढेर ९८ हजार २०० मा कारोबार भएको छापावाल सुन आज प्रतितोला ९७ हजार ६०० रुपैयाँमा कारोबार भइरहेको छ । यस्तै तेजाबी सुन ९७ हजार १०० रुपैयाँमा कारोबार भएको छ ।

महासंघका अनुसार आज चाँदी ५ रुपैयाँले घटेसँगै प्रतितोला एक हजार ३३५ रुपैयाँ कायम गरिएको छ । सोमबार चाँदी प्रतितोला एक हजार ३४० रुपैयाँमा कारोबार भएको थियो ।