प्रतितोला ५ सयले घट्यो सुनको मूल्य

नेपाली बजारमा आज सुनको मूल्य ५ सयले घटेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ९९ हजार रुपैयामा कारोबार भइरहेको छ । त्यस्तै, तेजावी सुनको मूल्य ९८ हजार पाँच सय रुपैयाँ कायम भएको छ ।

महासंघका अनुसार आज चाँदीको मूल्य प्रतितोला ५ रुपैयाँले बढेर १३ सय ८० रुपैयाँ पुगेको छ । बुधबार १३ सय ७५ रुपैयाँ तोलामा चाँदीको कारोबार भएको थियो ।