सुनको मूल्य प्रतितोला २ सयले बढ्यो

काठमाडौं । नेपाली बजारमा सुनको मूल्य आइतबार बढेको छ । अघिल्लो दिन सुनको मूल्य प्रतितोला एक लाख २ हजार ६ सयमा कारोबार भएकोमा आज तोलामा २ सयले बढेको हो ।

नेपाल सुनचाँदी व्यवसायी महासंघका अनुसार आइतबार छापावाल सुनको मूल्य प्रतितोला एक लाख २ हजार ८ सय रुपैयाँ कायम गरिएको छ भने तेजावी सुनको मूल्य प्रतितोला एक लाख २ हजार ३ सय रुपैयाँ कायम गरिएको छ ।

त्यस्तै, आइतबार चाँदीको मूल्य पनि बढेको छ । हिजो चाँदीको मूल्य प्रतितोला १४१५ रुपैयाँमा कारोबार भएकोमा आइतबार बढेर प्रतितोला १४२५ रुपैयाँ मूल्य कायम गरिएको महासंघले जनाएको छ ।