एकैदिन १३ सयले घट्यो सुनको मूल्य

नेपाली बजारमा आज सुनचाँदीको मूल्य ह्वात्तै घटेको छ ।

नेपाल सुनचाँदी व्यवसायी महासंघका अनुसार आज सुन प्रतितोला १ हजार ३०० रुपैंयाले घटेर ९९ हजार २०० रुपैंयामा कारोबार भइरहेको छ । यस्तै, आज तेजावी सुनको मूल्य ९८ हजार ७०० रुपैंया कायम भएको छ ।

महासंघका अनुसार आज चाँदी पनि तोलामा १० रुपैयाँले घटेको छ । १० रुपैंयाले ओरालो लाग्दै आज चाँदी प्रतितोला १ हजार ३७० रुपैंयामा कारोबार भइरहेको छ ।