सुनचाँदीको मूल्यमा गिरावट, तोलाको कति ?

नेपाली बजारमा आज सुनचाँदीको मूल्यमा गिरावट आएको छ ।

नेपाल सुनचाँदी व्यवसायी महासंघका अनुसार आज सुन प्रतितोला ४०० रुपैयाँले घटेसँगै ९८ हजार ८०० रुपैयाँमा कारोबार भइरहेको छ । मंगलबार छापावाल सुन प्रतितोला ९९ हजार २०० रुपैयाँमा कारोबार भएको थियो । त्यस्तै, आज तेजावी सुनको मुल्य ९७ हजार ७०० रुपैयाँ कायम भएको छ ।

महासंघका अनुसार आज चाँदी १० रुपैयाँले घटेको छ । मंगलबार प्रतितोला एक हजार ३७० रुपैयाँमा कारोबार भएको चाँदी आज एक हजार ३६० रुपैयाँमा कारोबार भइरहेको छ ।