तोलामा ८ सयले बढ्यो सुनको मूल्य

नेपाली बजारमा आज सुनको मूल्य ८ सय रुपैयाँले बढेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला एक लाख ९ सय रुपैयाँमा कारोबार भइरहेको छ । त्यस्तै, तेजावी सुनको मूल्य प्रतितोला एक लाख एक सय रुपैयाँ कायम भएको छ ।

महासंघका अनुसार आज चाँदीको मूल्य पनि तोलामा १५ रुपैयाँले वृद्धि भएको छ । आज चाँदी प्रतितोला एक हजार तीन सय ८० रुपैयाँमा कारोबार भइरहेको छ ।