ह्वात्तै घट्यो सुनको मूल्य, तोलाको कति ?

आज नेपाली बजारमा सुनको मूल्य ह्वात्तै घटेको छ ।

नेपाल सुनचाँदी व्यवसायी महासंघका अनुसार आज सुनको मूल्य तोलामा एक हजार रुपैयाँले घटेसँगै ९८ हजार रूपैयाँमा कारोबार भइरहेको हो । बुधबार सुन प्रतितोला तीन सय रूपैयाँ घटेर ९९ हजार रूपैयाँमा कारोबार भएको थियो ।

यस्तै, बुधबार ९८ हजार ५ सय रूपैयाँमा कारोबार भएको तेजावी सुन आज ९७ हजार पाँच सय रूपैयाँमा कारोबार भइरहेको छ ।

महासंघका अनुसार आज चाँदी पनि प्रतितोला २० रुपैयाँले घटेको छ । बुधबार एक हजार ३४० रूपैयाँमा कारोबार भएको चाँदी आज प्रतितोला एक हजार ३२० रूपैयाँमा कारोबार भइरहेको छ ।