चाडपर्व नजिकिएसंगै तात्याे सरकारकाे अनुगमन, ३ व्यवसाय बन्द

काठमाडौँ, विगतमा जस्तै यसवर्षपनि चाडपर्व नजिकिएसंगै सरकारले अगुनगमनलाई तिव्रता दिएको छ । अरु समय बजारमा सरकारको उपस्थिती शुन्य जस्तै रहेपनि देशै तिहार र छठ निकिएपछि भने सरकारले अनुगमनलाई तिव्रता दिएको हो ।

खाद्य प्रविधि तथा गुणनियन्त्रण विभागले यसै सातावाट सुरु गरेको चाडपर्व लक्षित बजार अनुगमन तीन व्यवसाय बन्द गरेको छ । पहिलो चरणमा संगम स्वीट्स बन्द गराएको अनुगमनले दुई पानी बोटलिङ उद्योगमा ताला लगाएको छ । खाद्य प्रविधि तथा गुण नियन्त्रण विभागले बनेपास्थित पञ्च वेभरेज प्रालि र बुद्धल्याण्ड मेलम्ची मिनेरल वाटर प्रालिको उत्पादनमा रोक लगाएको छ ।

विभागको टोलीले अनुगमन गर्दा अनुज्ञापत्र नवोकरण नगरेको, जारमा सुरक्षण शील नलगाएको, प्रसोधन कक्ष सफा नभएको, बोतल तथा जार म्यानुअल फिलिङ्ग गरेको र प्रसोधित पानीको उत्पादन निर्दे्शिका अनुरुप मापदण्ड पुरा नगरेकोले शीलबन्दी गरी उत्पादनमा रोक लगाइएको प्रवक्ता पूर्णचन्द्र वस्तीले बताए । विभागले मंगलबार बानेश्वर स्थित संगम स्विटमा ताला लगाएको थियो। त्यहाँ पनि मानव स्वास्थ्यमा हानी पुग्ने खाद्यान्न भेटिएको थियो ।