एकैदिन तोलामा १३ सयले घट्यो सुनको मूल्य

साताको पहिलो दिन आइतबार आज नेपाली बजारमा सुनको मूल्य ह्वात्तै घटेको छ ।

नेपाल सुनचाँदी व्यवसायी महासंघका अनुसार अज सुन प्रतितोला १३ सय रुपैयाँले घटेको हो । गत विहिबार प्रतितोला ९७ हजार ८०० रुपैयाँमा कारोबार भएको सुन आज १३ सयले घटेसँगै ९६ हजार ५०० रुपैयाँमा कारोबार भइरहेको छ । त्यस्तै, तेजाबी सुनको मूल्य प्रतितोला ९६ हजार रुपैयाँ कायम गरिएको छ ।

महासंघका अनुसार आज चाँदीको मूल्य पनि घटेको छ । गत विहिबार प्रतितोला १ हजार २५० रुपैयाँमा कारोबार भएको चाँदी आज १० रुपैयाँले घटेर प्रतितोला १ हजार २४० रुपैयाँमा कारोबार भइरहेको छ ।