सुनचाँदीको मूल्य वृद्धि, तोलाको कति ?

बिहिबार नेपाली बजारमा सुनको मूल्य प्रतितोला ४०० रुपैयाँले वृद्धि भएको छ ।

नेपाल सुन चाँदी व्यवसायी महासंघका अनुसार बिहीबार छापावाल सुन प्रतितोला ४०० रुपैयाँले बढेर ९७ हजार ६०० रुपैयाँमा कारोबार भइरहेको छ । त्यस्तै, तेजावी सुनको मूल्य तोलाको ९७ हजार १०० रुपैयाँ कायम गरिएको छ ।

महासंघका अनुसार आज चाँदी पनि प्रतितोला १५ रुपैयाँले बढेको छ । बुधबार प्रतितोला १२ सय ५० रुपैयाँमा कारोबार भएको चाँदी आज १२ सय ६५ रुपैयाँ पुगेको हो ।