मौसम खराब भएपछि दिल्लीबाट आएका दुई जहाज डाइभर्ट

काठमाडौंको मौसम खराब भएपछि भारतको नयाँ दिल्लीबाट आएका दुई जहाज डाइभर्ट गरिएको छ ।

बुधबार काठमाडौँमा पानि परेर मौसम बिग्रिएपछि नयाँ दिल्लीबाट आएको भिस्तारा एयरको जहाज लखनउ विमानस्थलमा फर्किएको भिस्ताराले सामाजिक सञ्जालमार्फत जानकारी दिएको छ । यस्तै, दिल्लीबाटै आएको इण्डिगो एयरको जहाज पनि फर्किएको छ ।

त्रिभुवा अन्तर्राष्ट्रिय विमानस्थलका अनुसार जापानको टोकियोबाट आएको नेपाल एयरलाइन्सको जहाज र कोरियाबाट आएको कोरियन एयरको जहाज भने केहीबेर आकाशमै होल्ड भएपछि अवतरण गरिएको हो ।