एकै दिन १५ सय रुपैयाँले बढ्यो सुनको मूल्य

आइतबार नेपाली बजारमा सुनको मूल्य १५ सय रुपैयाँले बढेको छ ।

नेपाल सुनचाँदी व्यवसायी महासंघका अनुसार आइतबार सुन १५ सयले बढेसँगै प्रतितोला ९९ हजार २ सय रुपैयाँ पुगेको छ ।

त्यस्तै, आज चाँदी पनि प्रतितोला १५ रुपैयाँले बढेको छ । महासंघका अनुसार शुक्रबार प्रतितोला १२६५ रुपैयाँमा कारोबार भएको चाँदी आज १२८० रुपैयाँमा कारोबार भइरहेको छ ।

अन्तर्राष्ट्रिय बजारमा आइतबार सुनको भाउ प्रतिऔंस १८७१ डलर कायम भएको छ ।