डिजिटल प्रणालिमा स्तरोन्नतिका लागि मनकामना केबलकार ६ हप्ता बन्द

काठमाडौं । मनकामना केबलकार साउन २३ गतेदेखि करिब ६ हप्ता बन्द हुने भएको छ ।

नेपालको पहिलो केबलकार मनकामनाले सञ्चालन प्रविधि स्तरोन्नति गर्ने प्रयोजनका लागि साउन २३ गतेदेखि केबलकार सेवा बन्द गर्ने भएको हो ।

हाल सञ्चालित एनालग कनेक्ट प्रणालीलाई डिजिटल प्रणालिमा स्तरोन्नति गर्नको लागि काम अघि बढाउन लागिएको र यसका लागि प्रारम्भिक अनुमान अनुसार पाँचदेखि ६ हप्तासम्म लाग्ने सञ्चालक राजेशबाबु श्रेष्ठले बताए ।

अष्ट्रियाको डोपलमेयर कम्पनीबाट प्राविधिकहरु झिकाइएको र उनीहरुले केबलकारको स्तरोन्नतिको कार्य अघि बढाउने श्रेष्ठले बताए ।

केलबकार बन्द भए पनि बटम स्टेशनमा रहेको रेष्टूरेन्ट भने चालु रहने छ ।