काठमाडौं । तपाइँ कतै हाइकिङ वा ट्रेकिङ जाँदा अचानक शरीरलाई अक्सिजन नपुगेको जस्तो भयो भने के गर्नु हुन्छ ? नजिकैको अस्पताल पुग्न नै समस्या पर्ने अवस्थामा तपाइँलाई प्राथमिक उपचार त जरुरी हुन्छ नै ।
प्राथमिक उपचारका लागि पनि अक्सिजनको गह्रौं सिलिण्डर नभएका ठाउँमा बिरामीलाई थप कष्ट हुनसक्छ । तर, अब यस्तो अवस्थामा तपाईँले आफ्नो हेरचाह आफैं गर्न सक्नुहुनेछ ।
माउन्टेन गियर प्रालि ठमेलले नेपालमै पहिलोपटक पोर्टेबल र हलुका अक्सिजन सिलिण्डर ल्याएको छ । निकै हलुका यी सिलिण्डरहरुले अक्सिजन अभाव भएका व्यक्तिका लागि अस्पताल पु¥याउने अवस्थासम्मको प्राथमिक उपचार (फर्स्ट एड)को काम गर्नेछन् ।
शुक्रबार राजधानीमा आयोजित कार्यक्रममा ओटू हिमालय नामक जीवन रक्षक फर्स्ट एड भाइटालिटी रिकभरीको सार्वजनिक गरियो ।
भारतमा निर्मित ओटू हिमालयमा ९९ प्रतिशत शुद्ध अक्सिजन रहेको र यो सजिलै आफैं प्रयोग गर्न सकिने कम्पनीका कन्ट्री हेड सञ्जीव प्रधानले जानकारी दिए । उनका अनुसार यो अक्सिजनमा शून्य प्रतिशत मोस्चराइजर, कुनै फ्लेभर नभएको लगायतका विशेषता छन् ।
कम्पनीकी प्रतिनिधि मन्दिरा क्षेत्रीले दम लगायतका अन्य रोगका निमित्त पनि यो अक्सिजन सिलिण्डर उपयोगी हुने बताइन् ।
ग्रेट हिमालय ट्रेल यात्री मंगल लामा, कन्ट्री हेड सञ्जीव प्रधान लगायतले यसको सार्वजनिकीकरण गरेका हुन् ।
प्रतिक्रिया