सुनको मूल्य स्थिर, चाँदीको घट्यो

आज नेपाली बजारमा सुनको मूल्य स्थिर रहेको छ ।

नेपाल सुनचाँदी व्यवासायी महासंघका अनुसार आज छापावाल सुन ९४ हजार २०० रुपैयाँमा कारोबार भइरहेको छ । बुधबार सुन तोलामा २०० रुपैयाँले वृद्धि भएको थियो । त्यस्तै, बुधबार प्रतितोला ९३ हजार ७०० रुपैयाँमा कारोबार भएको तेजावी सुन आज पनि सोही मूल्यमा किनबेच भइरहेको छ ।

महासंघका अनुसार आज चाँदीको मूल्य भने घटेको छ । बुधबार प्रतितोला एक हजार २०० रुपैयाँमा कारोबार भएको चाँदी आज १० रुपैयाँले घटेर १ हजार १९० रुपैयाँमा कारोबार भइरहेको छ ।