सुनको मूल्य स्थिर, चाँदीको घट्यो

बुधबार एकैदिन १४ सयले बढेको सुनको मूल्य आज स्थिर रहेको छ ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला ९५ हजार ४०० रुपैयाँ र तेजावी सुन ९४ हजार ९०० रुपैयाँमा कारोबार भइरहेको छ ।

त्यस्तै, आज चाँदीको मूल्य भने घटेको छ । बुधबार प्रतितोला एक हजार २९५ रुपैयाँमा कारोबार भएको चाँदी आज १० रुपैयाँले घटेर प्रतितोला एक हजार २८५ रुपैयाँमा कारोबार भइरहेको छ ।