सुनचाँदीको मूल्यमा सामान्य गिरावट

सोमबार नेपाली बजारमा सुनचाँदीको मूल्य घटेको छ ।

नेपाल सुनचाँदी व्यवसायी महासंघका अनुसार आज सुन प्रतितोला तीन सय रुपैयाँले घटेर ९७ हजार ५०० रुपैयाँमा कारोबार भएरहेको छ । त्यस्तै, आज तेजावी सुनको मूल्य ९७ हजार रुपैयाँ कायम भएको छ ।

महासंघका अनुसार आज चाँदीको मूल्य पनि प्रतितोला १० रुपैयाँले घटेको छ । आइतबार प्रतितोला एक हजार २९५ रुपैयाँमा कारोबार भएको चाँदी आज १० रुपैयाँले घटेसँगै एक हजार २८५ रुपैयाँमा किनबेच भइरहेको छ ।