बुद्ध एयरको १० औं एटीआर जहाज भित्रियो

काठमाडौं । बुद्ध एयरले आफ्नो १० औं एटीआर जहाज खरीद गरेको छ । कुल १२ वटा जहाज रहेको बुद्धको यो १० औं एटीआर हो ।

७२ सिट क्षमताको यो जहाज फ्रान्सको टुलुजस्थित एटीआर कम्पनीबाट खरीद गरिएको हो । यसको कलसाइन नाइन एन एएमवाई छ । सोमबार राति यो जहाज त्रिभुवन अन्तर्राष्ट्रिय विमानस्थलमा अवतरण गरेको हो ।

थपिएको जहाजसहित बुद्धका १० एटीआर जहाज भएका छन्, जसमा सात एटीआर ७२–५००, तीन एटीआर ४२–३२० र दुई बीचक्राफ्ट १९०० डी रहेको छ ।

नयाँ जहाजको रङ्गरोगन तथा प्राविधिक कार्यपश्चात अर्को महीनादेखि उडान भर्ने कम्पनीका बजार निर्देशक रुपेश जोशीले जानकारी दिए ।
थपिएको जहाजले नियमित मर्मत सम्भार तथा उडान वृद्धि गर्न सहयोग पु¥याउने छ ।

जहाज थपिएसँगै आन्तरिक तथा अन्तर्राष्ट्रिय उडान वृद्धि गर्ने कम्पनीले जनाएको छ । यसअघि भारतको वनारसमा उडान भर्दै आएको बुद्ध एयरले आगामी जेठ १३ गतेदेखि कोलकातामा पनि उडान भर्नेछ ।