एनएमबि लघुवित्तले लाभांश वितरण नगर्ने

एनएमबि लघुवित्त वित्तीय संस्थाले लाभांश वितरण नगर्ने भएको छ ।

कम्पनीको मंगलबार बसेको सञ्चालक समिति बैठकले सेयरधनीहरुलाई कुनै पनि बोनस सेयर र नगद लाभांश वितरण नगर्ने निर्णय गरेको हो ।

गत आर्थिक वर्षको चौथो त्रैमासको अपरिस्कृत वित्तीय विवरण अनुसार यो लघुवित्त २ करोड २४ लाख रुपैयाँ नोक्सानमा रहेको थियो । अघिल्लो आर्थिक वर्ष २०७८–७९ बाट भने १०५ बोनस सेयर वितरण गरेको थियो ।